Засгийн газрын ээлжит хуралдаанаас гаргасан шийдвэрийг Хууль зүй, дотоод хэргийн сайд О.Алтангэрэл танилцуулах үеэр Дотоодын цэргийн командлагч, бригадын генерал Р.Чингисийг албан тушаалаас нь чөлөөлсөн талаар лавлахад “Түүнийг шалгаж байгаа” гэлээ. 

Бригадын генерал Р.Чингисийг нэгдүгээр сарын 8-ны өдөр Дотоодын цэргийн штабын даргын үүрэгт ажлаас чөлөөлсөн билээ. Учир нь Ерөнхий сайд Л.Оюун-Эрдэнэ энэ сарын 6-ны өдөр шахмал түлшний үйлдвэртэй танилцах үеэр "Гашуунсухайт-Ганцмод боомтын хэлцлийг эсэргүүцсэн жагсаал цуглааныг П.Цагаан болон түүний хүү, Дотоодын цэргийн командлагч Р.Чингис болон түүний дүү Р.Саруул нар санхүүжүүлж байгаа"  хэмээн мэдээлсэн байдаг.  Дотоодын цэргийн командлагчийг томилж, чөлөөлөх шийдвэрийг Хууль зүй, дотоод хэргийн сайд гаргадаг билээ.