Боловсролын сайд П.Наранбаяр нийслэлийн Баянгол дүүргийн 29 дүгээр хороонд байрлах “Эрин эверест интернэшнл” сургуульд ажиллаж, тус сургуулийг төрийн өмчид худалдан авахаар болсон. Баянгол дүүргийн 29 дүгээр хороо 10 мянга гаруй хүн амтайгаас өөд й 4000 орчим нь хүүхэд боловч төрийн өмчийн сургуульгүй байсан юм. Иймд “Эрин эверест интернэшнл” сургуулийн удирдлагатай хэлэлцээр хийж, тус сургуулийн барилгыг бүх тоног төхөөрөмж, ширээ сандал, гаднах талбайтай нь хамт худалдан авч, төрийн өмчийн сургууль болгохоор болсон. 

Тус сургууль нь 10.200 ам метр талбайтай, хөлбөмбөгийн 1700 ам метр талбайтай. 2019 онд ашиглалтад орсон, нэг ээлждээ 960 хүүхэд хичээллэх багтаамжтай бөгөөд төрд худалдан авах санаачилгыг УИХ-ын гишүүн Х.Ганхуяг гаргаж, нийслэлийн засаг дарга Х.Нямбаатар дэмжин Сангийн яам санхүүгийн түрээс хэлбэрээр худалдан авах хэлэлцээр хийсэн.  Тэгвэл өнөөдөр /2025.01.22/ “Эрин эверест интернэшнл” сургуулийг төр хүлээн авлаа.