Төв аймгийн Эрдэнэ сумаас Монгол Улсаа төлөөлөн Индонез улсын Бали арал дээр зохион байгуулагдсан дунгийн суулгацтай авьяаслаг хүүхдүүдийн олон улсын урлагийн наадамд бяцхан од н.Анударь оролцож, тэргүүн байр эзэллээ.

Олон улсын шүүгч нар түүнийг сонсголоороо хөгжим, аяа төгс мэдэрч, хэмнэлд яг таг тааруулан бүжиглэж байгааг онцлон хэлжээ.

н.Анударь охин төрөхдөө эрүүл сонсголтой мэндэлсэн ч хоёр нас хүрээд сонсгол нь огцом буурсаар сонсголгүй болсон. 2 нас 8 сартайдаа дунгийн суулгацын мэс засалд орсноор хорвоогийн дуу чимээг дахин сонсож, ялгаж чаддаг болсон билээ. Өдгөө н.Анударь жирийн сургуулийн 5-р ангид суралцан, авьяас, чадвар, хүсэл мөрөөдлөөрөө үеийн найзуудаасаа дутахааргүй гялалзаж байна.

Мөн Эйд Сонсголын төвийн хамт олон, гэр бүлийн халуун дэмжлэг, багш нарын нөр их хөдөлмөрийн үр дүнд Анударь охин Азийн аваргын цомыг эх орондоо авчирч, хамгийн сүүлийн үеийн дэвшилтэт технологийн Rondo 3 дунгийн суулгацын аппаратаар шагнууллаа.