BTS-ийн ахлагч  RM өнөөдөр буюу есдүгээр сарын 12-нд төрсөн бөгөөд 31 нас хүрч байна. Түүний хувьд төрсөн өдрөө тохиолдуулан эмнэлгийн салбарт 200 сая вон хандивлалаа. Тодруулбал, тэрбээр есдүгээр сарын 12ны өдөр Сөүлийн Asan эрүүл мэндийн төв болон Солонгосын их сургуулийн анагаах ухааны төвд тус бүр 100 сая вон хандивласан байна.

RM-ын зүгээс "Өвчтөнүүдэд жаахан ч болов халуун дулаан итгэл найдвар болоосой гэсэн сэтгэлээр хандив өгөхөөр шийдсэн. Анагаах ухааны хөгжил дэвшил болон амьдралын үнэ цэнийг түгээх үйл хэрэгт бага ч болов оролцож чадаж байгаа болохоор утга учиртай санагдаж байна" гэж дамжуулан хэлжээ.