Netflix-ийн алдарт реалити шоу “Single’s Inferno 4”-ийн оролцогчид Jung You Jin, Theo Jang нар шоу дууссаны дараа үерхэж эхэлсэн талаар Солонгосын MyDaily хэвлэл мэдээллээ.

Тус мэдээгээр хоёр залуу 2025 оны хоёрдугаар сараас хойш болзож эхэлсэн бөгөөд телевизийн дэлгэц дээр хос болж харагдаагүй ч бодит амьдрал дээрх харилцаа нь үргэлжилж буйг баталжээ. Үзэгчдийн дунд өмнө нь тэднийг “lovestagram” буюу сошиал сүлжээндээ ижил төрлийн дохио өгдөг байсан нь романтик холбоотой гэсэн таамаг төрүүлж байв.

Гэсэн хэдий ч, оролцогчдын нэг болох Jang Tae-Oh өөрийн талаас энэ мэдээллийг үгүйсгэн, Jung You Jin-тай зөвхөн хамтран ажилладаг, найз нөхдийн харилцаатай гэж мэдэгдсэн байна. Иймээс тэднийг үерхэж буй эсэх талаар хэвлэл мэдээллийн хэрэгслүүдийн дунд хоёр өөр байр суурь оршсоор байна.

Theo Jang 1994 онд төрсөн бөгөөд жүжигчний замналдаа идэвхтэй яваа залуу уран бүтээлч. Тэрбээр KBS Joy-ийн Love Naggers 2, KBS2-ын Man in a Veil, KBS1-ийн The King of Tears, Lee Bang Won зэрэг олон бүтээлд тоглож, уран чадвараа харуулсан бөгөөд сүүлийн жилүүдэд гадаад дахь уран бүтээлийнхээ хүрээг ч өргөжүүлж байна.

Харин Jung You Jin, Тео Theo Jang-аас хоёр насаар дүү. Тэрбээр Ива эмэгтэйчүүдийн их сургуульд уламжлалт солонгос бүжгээр мэргэжил эзэмшсэн. Одоогоор бүжигчин, инфлүүнсерын чиглэлээр идэвхтэй ажиллаж буй нэгэн юм.