Алдарт “Vogue” сэтгүүлийн АНУ дахь ерөнхий редактороор 39 настай Хлое Малле (Chloe Malle) томилогдлоо. Тэрбээр нэрт жүжигчин Кэндис Бергенийн охин бөгөөд өмнө нь Vogue.com-ийн редактор, “The Run-Through” подкастын хөтлөгчөөр ажиллаж байв.

Ингэснээр сэтгүүлийг 37 жилийн турш удирдсан Анна Уинтурын дараагийн үе эхэлж байна. Гэхдээ Уинтур “Condé Nast”-ийн ерөнхий контент эрхлэгч, Vogue-ийн дэлхийн редакторын албан тушаалдаа хэвээр үлдэж, стратегийн гол арга хэмжээнүүдийг удирдсаар байх аж.

Шинэ редактор Малле нь сэтгүүлийн чанарт илүү анхаарч, хэвлэлийн давтамжийг бууруулан “коллекцийн” чанартай дугаарууд гаргах зорилттой байгаагаа мэдэгджээ.

Хлое Малле (Chloe Malle)

• Нас: 39 настай

• Гэр бүл: Холливудын алдарт жүжигчин Кэндис Берген (Candice Bergen)-ий охин

• Боловсрол: Браун их сургууль (Brown University)-ийг төгссөн

Туршлага:

• Vogue.com-ийн редактороор ажиллаж байсан
• Сэтгүүлийн “The Run-Through” подкастын хөтлөгч
• Town & Country сэтгүүлд ч бас бичиж, редактороор ажиллаж байв

Шинэ үүрэг: 2025 оны 9-р сараас эхлэн “Head of Editorial Content, Vogue U.S.” буюу үндсэндээ Америкийн Vogue-ийн ерөнхий редактор болж томилогдсон

Алсын хараа:

• Vogue-ийн дугааруудыг уламжлалт сар тутмын хэлбэрээс нь өөрчлөн, илүү онцгой, “коллекцийн чанартай” дугаар болгон гаргах

• Чанарт илүү төвлөрч, соёл, загварын гүнзгий өгүүлэмжийг оруулах

• Цахим контент, подкаст, олон сувгийн уялдаа холбоог бэхжүүлэх зорилготой

Эх сурвалж: Vogue, Reuters, NY Post