Forbes Korea сэтгүүлээс 2025 онд Өмнөд Солонгост хамгийн өндөр орлоготой YouTube сувгуудын жагсаалтыг танилцууллаа. Тус жагсаалтыг BLACKPINK хамтлагийн гишүүн, дуучин Rose-ийн хувийн суваг тэргүүлсэн байна.

Түүний YouTube сувгийн жилийн орлого ₩11.1 тэрбум (ойролцоогоор 8 сая ам.доллар)-д хүрсэн бөгөөд 18.1 сая захиалагчтай, нийт 3.6 тэрбум удаагийн үзэлттэй болжээ. Мэргэжилтнүүдийн үзэж буйгаар  Rose-ийн хөгжмийн бичлэг, влог болон шүтэн бишрэгчидтэйгээ ойр харилцдаг контентууд нь сувгийн үзэлт болон сурталчилгааны орлогыг эрс өсгөсөн байна.

Харин жагсаалтын удаах байруудад YG Entertainment-ийн шинэ охидын хамтлаг BABYMONSTER, мөн BLACKPINK хамтлагийн албан ёсны сувгууд бичигдсэн бөгөөд тус бүр ₩8.1 тэрбум орчим орлоготой байжээ.

Forbes Korea-гийн шинжээчид “K-pop уран бүтээлчдийн сувгууд зөвхөн хөгжмийн клип бус, өдөр тутмын амьдрал, бэлтгэлийн үйл явцыг харуулсан контентуудаараа үзэгчдийг татаж, дэлхий даяар нөлөөллөө улам өргөжүүлж байна” хэмээн онцолсон байна.