"She's the Man", What a Girl Wants", "Easy A" зэрэг киногоороо алдард хүрсэн од бүсгүй саяхан инстаграмаараа жин хасдаг 2-р хэлбэрийн чихрийн шижингийн эм болох Оземпикийг "сайхан харагдах"-ын тулд хэрэглэж эхэлснээ мэдэгджээ.

Тэрбээр, "Би маш их баяртай байна. Би одоо 173 паунд (78 кг) жинтэй, 130 паунд (58 кг) хүртэл бууна гэж найдаж байна. Папарацынхны зураг дээр илүү сайхан харагдана шүү дээ" гэжээ.

39 настай түүний хувьд сэтгэл гутралын улмаас жин нэмсэн тухай өөрөө хэлж байсан. 2006 оны "She's the Man" кинонд тоглосноосоо хойш "гүн гутралд" орсон гэжээ. Эрэгтэй хөл бөмбөгийн багт тоглохын тулд ахынхаа нэрийг ашиглаж эрэгтэй хүний дүр эсгэж буй охины дүрийг тус кинонд бүтээсэн нь өөрийнх нь сэтгэлд хүрээгүй байна. Маш хачин санагдаж яг л биеэсээ гарчихсан юм шиг байсан гэжээ.

Мөн 2010 оны "Easy A" кинонд үүнтэй төстэй зүйл тохиолдсон бөгөөд Амандагийн хамгийн сүүлд тоглосон кино юм. "Би тэр кинонд дүр төрхөө тэвчиж чадахгүй байсан. Мөн миний тоглолт надад таалагдаагүй. Үзсэнийхээ дараа жүжиглэхээ болих хэрэгтэй гэдэгт бүрэн итгэлтэй болсон" гэж тайлбарлаж байв.

Нэмж дурдахад, Аманда шивээс, зовхины эргэн тойрон дахь арьсны нугалаа арилгах мэс засал хийлгэж гадаад төрхөө эрс өөрчилжээ. Мөн 2023 онд ТикТок дээр "Би өөрийгөө илүү сайн мэдэрч, зовхиний хагалгаанд орсондоо маш их баяртай байна. Энэ бол миний хийж чадах хамгийн агуу зүйлсийн нэг байсан" гэжээ.