Өмнөд Солонгосын нэрт жүжигчин Жин Тэ Хён (Jin Tae-hyun) ойрын үед бамбай булчирхайн хорт хавдрын онош авч, амжилттай мэс засалд орсон тухайгаа олон нийтэд мэдээллээ.

Жин Тэ Хёны хэлэхдээ, “Хавдрын оношийг хүлээн зөвшөөрөх хэцүү байсан ч тэр эхнэрийнхээ дэмжлэг, найз нөхдийн сэтгэл санааны туслалцааны ачаар мэс заслын үеийг тайвнаар туулж чадсан” гэжээ. Мөн тэрбээр өөрийн цахим хуудсанд:

"Эхнэр минь миний гараас барьж залбирч байсан. Итгэл найдвар намайг тайвшруулсан" хэмээн бичжээ.

Жин Тэ Хён энэ хугацаанд “Divorce Retreat Camp” хэмээх реалити нэвтрүүлгээс түр завсарласан ч одоо биеийн байдал тогтворжиж, дахин уран бүтээлдээ орох боломж бүрдэж байгааг ч дурдсан байна.

Тэрбээр мөн өөрийн туулсан энэ бэрхшээлийг бусдад итгэл найдвар өгөх нэгэн боломж хэмээн харж, “Хорт хавдартай тэмцэж буй бүх хүмүүст зориулан залбирч байна” хэмээн урам хайрласан үгсээ хуваалцжээ.