BLACKPINK хамтлагийн гишүүн Лиса, дэлхийн хамгийн баян гэр бүлүүдийн нэгийн залуу өв залгамжлагчтай гэрлэсэн байж магадгүй гэсэн мэдээлэл олны анхаарлыг татаад байна. Тэр хүн бол Францын алдарт LVMH группийн өв залгамжлагчдын нэг, бизнесийн салбарын шуугиант залуу Фредерик Арно юм.

Фредерик Арно гэж чухам хэн бэ?

Фредерик Арно нь 1995 онд Франц улсад төрсөн. Түүний аав бол дэлхийн хамгийн чинээлэг хүмүүсийн нэг, LVMH (Louis Vuitton Moët Hennessy) группийн тэргүүн Бернар Арно юм. Фредерик Францын нэр хүндтэй École Polytechnique сургуулийг төгссөн бөгөөд залуу наснаасаа л бизнесийн салбарт хөл тавьжээ.

• Тэрбээр TAG Heuer брэндийн гүйцэтгэх захирлаар ажиллаж байсан ба одоо LVMH Watches болон Loro Piana зэрэг тансаг хэрэглээний брэндүүдийг удирдаж байна.

• Бизнесийн ертөнцөд технологи, инновацийн чиглэлээр онцгой амжилт гаргаж буй залуу удирдагч хэмээн үнэлэгддэг.

• Түүний гэр бүлийн хөрөнгө 187.2 тэрбум ам.доллар. Фредерикийн аав Бернар Арно бол дэлхийн хамгийн баян хүмүүсний нэг, LVMH Moët Hennessy Louis Vuitton-ийн Гүйцэтгэх захирал бөгөөд Forbes сэтгүүлийн мэдээлснээр гэр бүлийнх нь хөрөнгө ойролцоогоор 187.2 тэрбум доллар.

Лисатай ямар холбоотой вэ?

2022 оноос хойш Лиса болон Фредерик Арно нар хамтдаа Европын орнуудаар аялж, тансаг ресторан, урлагийн тоглолтуудад хамт үзэгдсэн нь тэднийг хосууд байж болзошгүй гэсэн яриаг өдөөсөн. 2025 оны эхээр тэд Тайландад болсон нэгэн тансаг арга хэмжээнд хамтдаа оролцсон тухай мэдээлэл гарсан нь энэ яриаг улам баталж байгаа.

Мөн Лисагийн “Moonlit Floor” хэмээх шинэ уран бүтээлд Францтай холбоотой үгс багтсан нь фэнүүдийн анхаарлыг татжээ.

Гэрлэх тухай мэдээлэл үнэн үү?

2025 оны эхээр “Лиса, Фредерик хоёр нууцаар гэрлэжээ” гэх цуурхал цахим орчинд тарсан ч одоогоор энэ талаар албан ёсны баталгаа байхгүй. Тэдний аль аль нь харилцаагаа нийтэд ил зарлаагүй бөгөөд тэдний агентлагууд ч энэ сэдвээр ямар нэгэн тайлбар хийгээгүй байна.