Алдарт BTS хамтлаг АНУ-ын Хөгжмийн салбарын холбоо (RIAA)-ны олгодог Алтан болон Платинум гэрчилгээг 2025 оны зургаадугаар сарын 23-ны өдөр албан ёсоор гардан авлаа. Тэдний “Black Swan”, “Blood Sweat & Tears”, “DNA”, “Fake Love”, “ON”, “Permission to Dance”, “Spring Day”, “Save Me”, “Run” зэрэг нийт есөн дуу нь борлуулалт, стримингийн өндөр үзүүлэлтээрээ RIAA-гийн гэрчилгээний шалгуурыг хангаж, баталгаажсан юм.

BTS өмнө нь ч тус шагналын эзэн болж байсан. Тухайлбал, “Dynamite” дуу нь 2024 оны 5-р сард Платинум, “Butter” дуу нь 2021 онд Давхар Платинум зэрэглэлд хүрсэн билээ.

RIAA-гийн шагналын утга учир

RIAA буюу Recording Industry Association of America нь уран бүтээлчдийн цомог, дууны борлуулалт болон стримингийн хэмжээг үндэслэн гэрчилгээ олгодог. Үүнд:

• Алтан (Gold) — 500,000 хувь

• Платинум (Platinum) — 1 сая хувь

• Олон Платинум (Multi-Platinum) — 2 сая ба түүнээс дээш

• Даймонд (Diamond) — 10 сая хувь ба түүнээс дээш

Эдгээр тоонд дижитал таталт, стримингийн хэмжээ ч багтдаг бөгөөд 150 стримийг нэг таталттай тэнцүү гэж тооцдог юм.

BTS-ийн энэхүү амжилт нь тэдний дэлхий дахинд тогтсон нэр хүнд, хөгжмийн чанар, үнэнч фэнүүдийн дэмжлэгийг илтгэж байна.