BTS хамтлагийн гишүүн SUGA буюу Мин Юнги Сөүл дэх нэр хүндтэй Северанс эмнэлэгтэй хамтран аутизмын спектрийн эмгэгтэй (ASD) хүүхэд, өсвөр насныханд зориулсан “Мин Юнги эмчилгээний төв”-ийг байгуулах төсөл хэрэгжүүлж байгаагаа олон нийтэд мэдээллээ.

Тус төв нь аутизмтай хүүхдүүдийн хөгжлийг дэмжих, тэдний нийгмийн харилцааг сайжруулах, сэтгэлзүйн болон хөдөлгөөн заслын цогц үйлчилгээ үзүүлэх зорилготой. SUGA энэхүү төсөлд сайн дурын хандив өгч, эмнэлэгтэй хамтран бодит ажил хэрэг болгохоор зорьж буй нь олон нийтийн талархлыг хүлээгээд байна.

Северанс эмнэлгийн зүгээс талархал илэрхийлж, "SUGA-гийн энэхүү дэмжлэг нь олон хүүхдийн амьдралд эерэг өөрчлөлт авчирна" хэмээн мэдэгдлээ.

SUGA өмнө нь ч нийгмийн сайн сайхны төлөө олон буяны үйлс, хандив өргөж ирсэн нэгэн. Харин энэ удаагийн алхам нь эмзэг бүлгийн хүүхдүүдэд чиглэсэн анхны эмчилгээний төвийг нэрээрээ байгуулж буй томоохон хандив юм.