Солонгосын BABYMONSTER хамтлагийн гишүүн Rami эрүүл мэндийн шалтгаанаар тун удахгүй болох “HOT SAUCE” дууны эргэн ирэлтэд оролцохгүй гэдгээ мэдэгдлээ.

"YG Entertainment"-ээс гаргасан албан мэдэгдэлд дурдсанаар "Rami сүүлийн үед эрүүл мэндийн асуудлаас шалтгаалан эмчилгээ хийлгэж байгаа бөгөөд бүрэн эдгэрэх хүртэл амрах шаардлагатай болсон байна. Тиймээс хамтлагийн удахгүй болох уран бүтээл болон тайзны үзүүлбэрүүдэд оролцохгүй" хэмээн шийдвэрлэжээ.

“Rami-гийн эрүүл мэндийг нэн тэргүүнд тавьж, түүнийг бүрэн эдгэрэх хүртэл бүх талын дэмжлэг үзүүлэх болно. BABYMONSTER-ийн фэнүүдээс ойлгож, дэмжихийг хүсэж байна” хэмээн агентлагийн зүгээс мэдэгдсэн юм.

“HOT SAUCE” нь BABYMONSTER хамтлагийн шинэ уур амьсгал, хүчирхэг эргэн ирэлтийг илтгэх бүтээл байхаар хүлээгдэж байгаа ч Rami-г түр хугацаанд тайзнаа харах боломжгүй болсныг олон фэн харамсан хүлээж авч байна.