BLACKPINK хамтлагийн аялан тоглолтын мерч буюу албан ёсны бараа бүтээгдэхүүн нь чанар, үнэ ханшийн хувьд фэнүүдийн сэтгэлд нийцээгүйгээс олон нийтийн шүүмжлэлд өртсөөр байна. Тэр дундаа хамгийн их анхаарал татсан нь “BLACKPINK” гэсэн бичигтэй гялгар уутыг 17.20 ам.доллараар үнэлжээ.

 Фэнүүдийн бухимдлыг төрүүлсэн гол зүйлс:

Цаасан уут нь бараа савлах зориулалттай энгийн баглаа боодол байсан бөгөөд фэнүүд анх үнэгүй өгч байгаа гэж ойлгосон.

Гэтэл энэ уутны үнийг тусад нь 17.20 ам.доллар (ойролцоогоор 59,000₮) гэж тусгасан нь олон хүнийг гайхшруулж, бухимдуулсан байна.

Уутны материал, дизайн, хэмжээ нь энгийн гялгар уут бөгөөд зөвхөн "BLACKPINK" гэсэн ягаан бичигтэй байжээ.

“Худалдан авалт хийсний дараа л уутны үнийг нэмж тооцсон болохыг ойлгосон. Энэ бол фэнүүдээ шууд шулж байгаа хэлбэр,” хэмээн нэгэн шүтэн бишрэгч TikTok дээр бичжээ.