Солонгосын NewJeans хамтлагийн гишүүн Danielle өөрийн соло үйл ажиллагаагаа ADOR агентлагтай хамтран үргэлжлүүлэх болсноо ил тод болголоо. Тэрбээр Швейцарын алдарт "OMEGA" бугуйн цагны брэндийн шинэ бүтээгдэхүүний сурталчилгаанд оролцож, Токиод болсон албан ёсны арга хэмжээнд ADOR-ийн багийн хамтаар оролцжээ.

Danielle нь OMEGA брэндийн дэлхийн элч төлөөлөгчөөр сонгогдсон бөгөөд энэ удаагийн үйл ажиллагаа нь түүний ADOR-ийн дэмжлэгтэйгээр хэрэгжүүлж буй соло төслийн нэг хэсэг юм. Хэдийгээр NewJeans хамтлагийн гишүүд агентлагтайгаа гэрээний маргаантай байгаа ч шүүхээс гэрээг хүчинтэй хэвээр гэж үзсэн тул гишүүд ADOR-оор дамжуулан л сурталчилгааны болон уран бүтээлийн үйл ажиллагаа явуулах боломжтой байна.

Мөн шүүхийн шийдвэрийн дагуу гэрээний заалтыг зөрчсөн тохиолдолд ₩1 тэрбум төгрөгийн (ойролцоогоор $730,000) торгууль ногдуулах нөхцөл үйлчилж буй юм.

Danielle-ийн энэхүү алхам нь соло чиглэлд карьераа хөгжүүлэх эхлэл төдийгүй ADOR болон NewJeans-ийн гишүүдийн хоорондын харилцаа хэрхэн үргэлжлэхийг олон нийт анхааран ажиглаж байна.