Өмнөд Солонгосын алдарт жүжигчин Чой Жон Ү өнөөдөр буюу тавдугаар сарын 27-ны өглөө 68 насандаа таалал төгслөө.

Түүний агентлаг Bless ENT уг мэдээг баталсан ч нас барсан шалтгаан нь тодорхойгүй байгаа юм.  Гэсэн хэдий ч тэрээр архаг хууч өвчинтэй байсан хэмээн ойрын эх сурвалжууд хэлээд байна.

1957 онд төрсөн Чой Жон Ү 1975 онд “Жүжигчний амьдрал” хэмээх жүжгээр уран бүтээлийн гараагаа эхэлсэн бөгөөд “City Hunter”, “Doctor Stranger”, “The Lord’s Sun”, “My Daughter Seo-young” зэрэг олон алдартай кино, телевизийн цувралд туслах дүр бүтээж, Солонгосын кино урлагт үнэтэй хувь нэмэр оруулсан юм.

 Түүний оршуулгын ёслол тавдугаар сарын 29-ний өглөө 10:00 цагт Сувон дахь Ёнхва оршуулгын газарт болно.