Netflix-ийн дэлхий дахинд алдаршсан “Squid Game” цувралын гуравдугаар улирал ирэх сарын 27-нд албан ёсоор нээлтээ хийхээр болжээ.

Энэ улирал нь тус цувралын сүүлчийн анги байх бөгөөд өмнөх ангиудаас илүү сэтгэл зүйн сорилт, ширүүн өрсөлдөөн бүхий үйл явдлаар дүүрэн байх аж. Netflix-ийн мэдээлснээр, гол дүрийн баатар дахин тоглоомд оролцохоор шийдэж, харгис тоглоомын цаадах нууцыг илчлэхээр тэмцэх юм.

Үүний зэрэгцээ Front Man, Жун Хо, шинэ тоглогч Мён-ги зэрэг дүрүүд мөн гарах бөгөөд өмнөх улирлуудын олон асуултад хариу өгөхүйц үйл явдал өрнөх юм. Мөн анхны улирлын алдартай хүүхэлдэй “Young-hee”-гийн эрэгтэй хувилбар болох “Чул-су” нэртэй шинэ робот анх удаа танилцуулагдана гэж албан ёсоор мэдээлжээ.