"Ачуут гол" эмнэлгийн зөвлөх эмч Г.Машбат хий дарах идээ ундаа, хоолны талаарх дараах зөвлөгөөг өглөө.  

Хонины ясны шөлөнд хийсэн шингэн будаа 
Энэ бол тамир дорой архаг, бэлхүүс өвдөгөөр хүчгүйг эмнэнэ.
1. Хонины ясаа усанд хийж шөл гартал зөөлөн гал дээр 1-2 цаг буцалгана.
2. Давс, цагаан гаа, задь, бурам, сармис нэрмэл архи тэргүүтэн өөрийн амталгаагаараа нэмж хийн буцалгана.
3. Шөлөө шүүж аваад будаагаа хийж болгоно.
Хий дарахад бор будаа, хөц будаа, шар будаа, гурвалжин будаа зэрэг хамгийн тохиромжтой. Нойргүйдсэн, хөл гар бээрдэг, шээс алддаг, эцэнхий туранхай, зүрх дэлсдэг, амьсгааддаг, сэтгэл тавгүй тогтворгүй гомдох баярлах нь олон, хийрхэж юу хамаагүй чалчдаг бол өглөө орой хийн цагт халуун бүлээнээр нь хэрэглэнэ.