ОХУ-ын Омск хотын Большеореченскийн амьтны хүрээлэнгийн Забава дуудлагатай цагаан баавгай усанд живж эндсэн хачирхалтай хэрэг гарчээ. Олон нийтийн сүлжээнд энэ хэргийн талаар өчигдөр мэдээлэгдэхэд амьтны хүрээлэнгийн ажилчдыг баавгайд зориулсан цөөрмийн эргийг хэт өндөр, эгц хийсэн гэсэн буруутгал жин дарж байсан аж. Харин сүүлд албаныхан хэвлэлд ярилцлага өгч, буруу ойлголтыг залруулжээ. 

Цөөрмийг баавгай өөрөө өөртөө зориулж "хийсэн", үхсэнийх нь дараа мэргэжлийн байгууллагаар задлан шинжилгээ хийлгэхэд тархинд нь цус харвасан болох нь тогтоогдсон гэнэ. Өөрөөр хэлбэл, цус харвах үед баавгай усан дотор байж таарснаас энэ хэрэг болсон гэсэн албан ёсны дүгнэлт гарчээ.