АНУ-ын Ерөнхийлөгч асан, ирэх сонгуульд нэрээ дэвшүүлээд буй Доналд Трампыг насанд хүрэгчдийн киноны од бүсгүйд авлига өгсөн хэргээр буруутгажээ. Түүнийг ойрын өдрүүдэд баривчлах магадлалтай талаар ВВС агентлаг мэдээллээ. Хэрвээ баричвлагдаж, гэм буруутай нь нотлогдвол тэрбээр АНУ-ын Ерөнхийлөгч нараас Эрүүгийн хэргээр ял шийтгэл хүртсэн анхны хүн болох юм. 

“АНУ-ын Ерөнхийлөгч Д.Трамп өмгөөлөгчөөрөө дамжуулан Сторми Данэиэлс нэрээр алдаршсан насанд хүрэгчдийн киноны алдарт жүжигчин Стефани Клиффордод 130 мянган ам.доллар төлсөн” гэх мэдээлэл таван жилийн өмнө гарч байв. “The Wall Street Journal” энэхүү хэргийн талаар “АНУ-ын Ерөнхийлөгчтэй холбоотой байсныгаа нууцалсных нь төлөө энэ хэмжээний мөнгийг төлсөн” гэж мэдээлж байв. Төлбөрийг 2016 оны зун буюу Ерөнхийлөгийн сонгуулийн кампанит ажил ид өрнөж байх үед өгсөн гэдгийг ч ил тод бичсэн. Цагаан ордноос энэ мэдээллийг тухайн үедээ худал мэдээлэл хэмээн үгүйсгэсэн ч сонины редакц уг мөнгө Д.Трампын өмгөөлөгчөөр дамжин Дэниэлсийн дансанд орсныг батлах хөдөлшгүй нотолгоо байгаа. Д.Трамп Сторми Даниэльстэй эхнэр Меланьятайгаа гэрлэсний дараа учир ургуулж эхэлсэн. Өөрөөр хэлбэл, Д.Трамп гэр бүлээс гадуур бэлгийн харьцаатай байсан” хэмээн бичиж байсан юм.