ОХУ-ын Батлан хамгаалахын сайд Сергей Шойгу ЗХЖШ-ын дарга Валерий Герасимовыг  Украин дахь цэргийн тусгай ажиллагааны ерөнхий захирагчаар томилжээ.

Оросын цэргүүд Украинд төдийлөн амжилт олохгүй буйг Валерий Герасимовыг буруутгагчид олон байдаг аж. Ажиллагааг гардан удирдуулахаар болсон нь ч үүнтэй холбоотой гэх өнцгүүд хойд хөршийн хэвлэлд бичигдсэн байна. Өөрөөр хэлбэл, “дэвшүүлэн зайлуулах” ажил байж болзошгүй гэнэ. Харин Сергей Шойгу Цэргийн тусгай ажиллагааны удирдлагын түвшинг дээшлүүлсэн нь ажиллагааны ач холбогдол өссөнтэй холбоотой гэж тайлбарлажээ.    

Өмнөх захирагч Сергей Суровикинийг Валери Герасимовын орлогч болгож, Хуурай замын цэргийн захирагч Олег Салюков, Жанжин штабын орлогч Алексей Ким гэсэн өөр хоёр дээд офицерыг орлогчийн тушаалд ахиулжээ.