Францын шигшээ бөг өчигдөр орой /Улаанбаатрын цагаар өнгөрсөн шөнө/ ДАШТ-ий хагас шигшээ тоглолтод Морокког 2:0-ээр буулгаж авсан билээ. Энэхүү хожлын дараа Францын олон хотуудад иргэд гудамжинд гарч баяраа тэмдглэсэн бөгөөд зөвхөн Парис хотод 115 хүн баривчлагдаж, зэвсэглэсэн 40 хүнийг саатуулсан талаар бид мэдээлсэн. Тэгвэл яг энэ үеэр Монпелье хотод өсвөр насны хүү амиа алдсан хэрэг гарчээ. “The National” энэ талаар мэдээлжээ.

Хүү 12-14 орчим настай автомашинд мөргүүлж нас барсан байна. Замаар хурдтай биш явж байсан автомашинд суурилуулсан Францын төрийн далбааг хэн нэгэн шүүрч авахыг оролдсоноос болж энэ осол гарчээ. Жолооч удирдлагаа алдаж, бөөнөөрөө явж байсан хүмүүс рүү яваад орчихсон гэнэ.