Францын хөнгөн цагаан боловсруулагч “Dunkerque” фирм хүчин чадлаа 20 хувиар бууруулжээ. “S&P Global Commodity Insights” компанийн дотоод эх сурвалжаас аван энэ талаар мэдээллээ. “Dunkerque” үйлдвэр 264 тогооныхоо 53-ыг зогсоосон байна.

Хүчин чадлаа ийнхүү 20 хувиар бууруулсан нь эрчим хүчний үнийн өсөлттэй холбоотой болохыг “S&P Global Commodity Insights” онцолж, “Dunkerque” анхных биш гэдэг санааг дэвшүүлжээ. Тус фирм нэг МВт/цаг эрчмим хүчийг 1 130 еврогоор худалдаж авч байгаа аж. Өнгөрсөн есдүгээр сард МВт/цаг эрчим хүчний үнэ  625,44 евро байсан гэнэ.

Металлургийн чиглэлд ажилладаг Румыний “Alro”, Нидерландын “Farmsum Damco Aluminium Delfzijl Cooperatie” (Aldel) зэрэг компаниуд мөн эрчим хүчний знийн өсөлтөөс үүдэлтэйгээр хүчин чадлаа багасгажээ.