АНУ-ын Батлан хамгаалахын сайд Ллойд Остин, Австралийн албан тушаал нэгтэн Ричард Марлзтай уулзаж, хамтын ажиллагаа хэлэлцжээ. Улмаар БНХАУ-ын өсөн нэмэгдэж буй цэргийн идэвхжлийн эсрэг хамтарч тэмцэхээр тохирсон байна. Пентагоны хэвлэлийн төлөөлөгч Патрик Райдер энэ талаар мэдээллээ.    

Ройтерс агентлаг өмнө нь АНУ цөмийн бөмбөг тээвэрлэх чадвартай Boeing B-52 бөмбөгдөгч онгоц зургаан ширхэгийг Хойд Австрали дахь Тиндаль баазад байрлуулна гэсэн мэдээллийг цацсан юм.