АНУ байлдааны зориулалттай Humwee жийпийг Украинд их хэмжээгээр нийлүүлэхээр бэлтгэж байна. “Вашингтон пост” сонинд энэ талаар мэдээллээ. Нэрээ дурдахыг хүсээгүй эх сурвалжийн мэдээлснээр, Вашингтон Украинд нийлүүлэх зэвсэглэлийнхээ цар хүрээг эрс өргөжүүлэхээр төлөвлөж байгаа бөгөөд байлдааны зориулалттай нисдэг тэрэг, өөрөө явагч техникийг их хэмжээгээр нийлүүлэх гэж буй аж. Мөн хими, биологийн зэвсэг хэрэглэсэн үед өмсдөг хамгаалалтын хувцас өргөтгөсөн жагсаалтад багтсан нь анхаарал татаж байна. Гэхдээ эх сурвалж мэдээллийнхээ төгсгөлд “Дээр дурдагдсан техник, хэрэгслээс аль нь жинхэнэ жагсаалтад үлдэж хоцрохыг мэдэхгүй” гэж хэлснийг “Вашингтон пост” мэдээлэлдээ онцолжээ.   

Humvee-гийн албан ёсны нэр нь High Mobility Multipurpose Wheeled Vehicle (туулах чадвар өндөр, олон талт ашиглал бүхий дугуйт тээврийн хэрэгсэл. Мөн байлдааны загварыг энгийн болгож өөрчилсөн загварыг Humvee гэх нь бий) бөгөөд 1970-аад онд УАЦЭ-ийн захиалгаар бүтээгдэж, сайжирсаар ирсэн байлдааны зориулалттай машин юм. АНУ болон бусад олон улсын зэвсэгт хүчинд өргөнөөр ашиглагддаг. Дээд хурд нь 88 км/цаг, 100 км-т 16-23 литр шатахуун зарцуулна. “AM Generalruen” компанид үйлдвэрлэдэг.