-Польш Оросын эрчим хүчнээс бүрэн татгалзаж, Герман хэмнэлтийн горимд шилжинэ-

Польш улс энэ оны эцэс гэхэд ОХУ-аас эрчим хүчний бүтээгдэхүүн авахаа болино гэдгээ өнгөрсөн долоо хоногийн лхагва гаригт зарласан нь олон улсын анхаарлыг татаад байна. Хөрш зэргэлдээ Герман улс нь хөрөнгө зөөр, эдийн засгийн бат бэх суурьтай мөртлөө ОХУ-ын эрчим хүчний бүтээгдэхүүнээс шууд татгалзах нь эрсдэлтэй гэж болгоомжилж байхад Польш ийнхүү адгаж байгаа нь анхаарал татаж байна. Германэ эрх баригчид байгалийн хийн олдоц яваандаа ховордохыг одооноос иргэдэдээ анхаарууулж, хэмнэхийг уриалж буй. Эдгээр нь Орос-Украины дайн Европын эрчим хүчний хангамжий хурцадмал байдлыг улам ч хурцатгасны  шинж юм.

Польш улс Оросын чулуун нүүрсний хамаарлаас гарах эрмэлзлээрээ мөн Европын холбоондоо толгой цохиж байна. Холбооны гишүүдээс 27 орон автомашин, цахилгаан, дулаан, аж үйлдвэрт хэрэглэх шатахуун, түлш, байгалийн хийгээр Москвагаас хамааралтай учраас эрчим хүчний хориг арга хэмжээ авахаас татгалзсан ч бууруулах нь зөв гэдэгт бүгд санал нэгдээд байгаа юм.  

Польшийн Ерөнхий сайд Матеуш Моравецки өнгөрсөн сарын сүжлээр тусгайлан хэвлэлийн бага хурал зарлаж байгаад "Бид энэ оны эцэс гэхэд Оросын газрын тосноос татгалзах Европ дахь хамгийн эрс шийдэмгий төлөвлөгөөг танилцуулж байна" гэж мэдэгдсэн. Харин Герман тэргүүтэй бусад нь Польш шиг шийдмэг хөдлөх бодолгүй байна. Европын холбоо энэ оны эцэс гэхэд ОХУ-аас худалдан авалтаа 2/3 хувиар бууруулж, 2030 оноос л бүрэн татгалзах төлөвлөгөөтэй байгаа юм.