Дэлхийн банк Украины Дотоодыэн нийт бүтээгдэхүүн дайны улмаас 45 хувиар буурна гэсэн таамаглал гаргажээ. Мөн ОХУ-ын ДНБ-ийг барууны тавьсан хоригийн улмаас 11 хувийн бууралттай гарна гэсэн байна. Дэлхийн банкны албан ёсны цахим хуудаст энэ талаар мэдээлснийг “Аль жазира” агентлаг уламжлав.

ОХУ-ын Ерөнхийлөгч Владимир Путин өнөөдөр Кремльд Австрийн Ерөнхий сайд Карл Нехаммертай уулзаж цаг үеийн асуудлаар хэлэлцээр хийх гэж байна. Харин Украины Ерөнхийлөгч Владимир Зелинський барууны хэвэлүүдэд ярилцлага өгсөөр байгаа бөгөөд хамгийн сүүлд өгсөн ярилцлагадаа “Украинчуудын хувьд  маш хэцүү долоо хоног” эхэлж байгааг анхааруулсан байна. Тэрээр ОХУ хүчээ сэлбэж аваад шинэ довтолгоон эхлүүлнэ гэж үзэж байгаа учир ингэж ярьж байгаа аж.