Энэ сарын эхээр болсон ОХУ-Украины энхийн хэлэлцээрт оролцогчдод хордлогын шинж тэмдэг илэрчээ. Тэдний дотор ОХУ-ын тэрбумтан Роман Абрамович байсан талаар “Wall Street Journal” мэдээллээ.

Мэдээлэлд бичсэнээр, Оросын талын бүрэлдэхүүнд байсан тэрбумтан Роман Абрамович болон Украины бүрэлдэхүүнд байсан өндөр албан тушаалтай хоёр хүнд хордлогын шинж тэмдэг илэрсэн байна. Роман Абрамовичийг хэлэлцээрийн бүрэлдэхүүнд багтаах хүсэлтийг Украины талаас гаргасны дагуу тэрээр хэлэлцээрт оролцож байсан аж.