Техникийн асуудлаас болж түр завсарласан ОХУ-Украины Засгийн газрын хэлэлцээр өнөөдрөөс үргэлжлэх гэж байгаа билээ. Тэгвэл хэлэлцээрийн хамгийн чухал зорилго болох энхийн гэрээ байгуулахад хэчнээн хугацаа шаардагдах талаар Украины Ерөнхийлөгч Володимир Зелинскийгийн зөвлөх Алексей Арестович үзэл бодлоо илэрхийлжээ. Тохиролцоонд хүрэхэд  наанадаж 1-2 долоо хоног, цаанадаж тавдугаар сарын сүүл хүртэл хугацаа орно гэсэн санааг тэрээр илэрхийлсэн байна.

“Энхийн гэрээ байгуулах тохиролцоонд тавдугаар сараас хойшлуулалгүй хүрэх ёстой гэж би бодож байгаа. Энэ бол хамгийн сүүлийн хугацаа. Харилцан буулт хийж ойлголцож чадвал энэ хугацааг наашлуулах боломжтой. Магадгүй 1-2 долоо хоногийн дотор ч амжуулж болох юм” гэж тэрээр хэлжээ.