ОХУ, Украин хоёр улсын төлөөлөгчдийн анхны уулзалт хэлэлцээр Беларусийн Гомелькт саяхан болж өндөрлөжээ. Хэлэлцээр орон нутгийн цагаар 14.00 /Монголын цагаар 20.00/ цагаас эхэлсэн бөгөөд аюулгүй байдлын үүднээс болсон газрыг нь нарийн мэдэлээгүй байна. Энэхүү хэлэлцээрийг 27-ны үдээс хойш явуулна гэж төлөвлөсөн ч Украины төлөөлөгчид Польшоор дамжиж очно гэсэн тул ийнхүү хойшилсон юм байна.

ОХУ-ын төлөөлөгчдийг Ерөнхийлөгчийн туслах, өмнө нь Соёлын сайд байсан Владимир Мединский ахалж, Гадаад харилцааны дэд сайд Андрей Руденко, ОХУ-аас Беларусьт суух Элчин сайд Борис Грызлов, Төрийн Дум дахь Олон улсын асуудал эрхэлсэн хорооны дарга Леонид Слуцкий, Батлан хамгаалахын дэд сайд Александр Фомин нар багтсан байна. Харин Украиныг Батлан хамгаалахын сайд Алексей Резников ахалж, Дээд Рад дахь “Ард түмний зарц” фракцийн дарга Давид Арахамия, Ерөнхийлөгчийн Тамгын газрын даргын зөвлөх Михайл Подоляк нар төлөөлжээ. Хэлэлцээрийн үеэр талууд олон чухал асуудлаар байр сууриа солилцсон талаар ОХУ-ын төлөөлөгчдийн нэг болох Леонид Слуцкий хэвлэлд мэдээлсэн байна.