Монгол Улс НҮБ-ын гишүүн орнуудын өмнө найман жилийн хугацаанд тэрбум мод тарих амлалт өгсөн билээ. Энэхүү амлалтыг биелүүлэх ажлын хүрээнд “Тэрбум мод” үндэсний хөтөлбөр санаачлан хэрэгжүүлж байгаа бөгөөд амлалтаа хэрэгжүүлэхийн тулд жилд дор хаяж 120 сая гаруй мод тарих шаардлагатай болоод буй. Тэгвэл хөтөлбөрийг хэрэгжүүлэх хүрээнд ОХУ-тай нягт хамтран ажиллах саналыг манай талаас тавьсан байна.

ОХУ-аас Монгол Улсад суугаа Элчин сайд Н.Азизов “Тэрбум мод” үндэсний хөтөлбөрийн нээлтэд ирж мод тарихдаа ОХУ-аас бүх талаар туслахад бэлэн хэмээн амлаж байсан юм.