Их Британийн Хатан хаан Елизавета II-ын коронавирусийн шинжилгээний хариу эерэг гарчээ. Букингемийн ордны хэвлэлийн албанаас энэ талаар мэдээллээ. Шинж тэмдэг нь маш хөнгөн хэдий ч ирэх долоо хоногт тусгаарлагдаж, шаардлагатай арга хэмжээг авах гэнэ.   

Хатан хааны том хүү, ханхүү Чарльз энэ сарын 8-нд ээжтэйгээ уулзсан бөгөөд дараа нь өгсөн шинжилгээний хариу эерэг гарсан тул Хатан хаанаас шинжилгээ авсан юм байна. Ер нь хатан хааны амьдарч буй Виндзорын шилтгээн халдварын голомт болоод байгаа бөгөөд эндээс нэлээд хүмүүс халдвар аваад байгаа юм.

Ерөнхий сайд Борис Жонсон хатан хааны бие удахгүй илааршина гэдэгт итгэж байгаагаа илэрхийлжээ.