Австралийн эрх баригчид Сиднейн эрэг хүн барьж идсэн аварга махчин цагасыг агнахаар мөшгиж байна. Тэрхүү махчин аварга загас Сиднейн хойд хэсэг, Литтл Бей орчимд сэлж байсан эр рүү дайрч, барьж идсэн юм. Сиднейн эрэг орчимд сүүлийн 59 жилийн турш ийм хэрэг гарч байгаагүй аж. Энэ хэргийн улмаас өнөө өглөөнөөс эрэг хавийн амралтын газар, элсэн хаялгануудыг хаасан байна.

Уг нь Австралийн далайн эрэг орчмын элсэн хаялганууд далайн усанд торон хамгаалалт татсан байдаг тул аварга загас орж ирэх нь ховор, хүн рүү дайрах нь бүр ч ховор гэнэ.

Эрх баригчдын шийдвэр гарсан тул амвагчид өнөө өглөөнөөс Бонди хотоос Кронуллы хотыг холбосон далайн эрэг дагуу 25 км-т эрлийн ажиллагаа явуулж байгаа аж. Нисдэг тэрэг, дрон ч ашиглаж байгаа ажээ. Видео бичлэг, гэрчүүдийн мэдүүлгээс харахад хүн рүү дайрсан цагаан аварга загас нь 3 метрээс багагүй урттай болох нь тодорхой байгаа гэнэ.