Александр Гинцбург.

ОХУ ковид19 өвчний дархлааг илүү найдвартай, урт хугацаанд тогтоох вакцин зохион бүтээхээр ажиллаж байгаа бөгөөд нэгэн вакцин бүтээсэн нь гурван долоо хоногийн дараа туршилтад шилжих гэж байна. Н.Ф.Гамалейн нэрэмжит төвийн захирал Александр Гинцбург ТАСС агентлагт өгсөн ярилцлагадаа энэ талаар дурдсан байна. “ЭМЯ шинэ вакцины ач холбогдлыгш ойлгож, шаардлагатай хөрөнгийг гаргаж өгсөн. Клиникийн туршилтыг гурван долооо хоногийн дараа эхлүүлж, 18-55 насны сайн дурынханд хийнэ” гэж тэрээр ярилцлагадаа дурджээ. Хүндрэлтэй асуудал гарахгүй бол намар гэхэд шинэ вакцин бэлэн болох юм байна.