БНХАУ-ын эрдэмтэд “Chang’e-5” сарнаа явагч аппаратын ирүүлсэн мэдээлэлд үндэслэн дэлхийн дагуул дээр усны нөөц байгааг тогтоожээ. Тодруулбал, саран дээр 120 байршилд усны нөөц байгааг тогтоосон аж. Цэвэр усны нөөц байгааг олж илрүүлсэн нь хүн төрөлхтний хувьд сароан дээр бааз байгуулах, улмаар Ангараг болон бусад гаригийг эрхшээх боломжийг олгосон аугаа нээлт юм гэж энэ талаар мэдээлсэн globaltimes.cn цахим сонин онцлон тэмдэглэсэн байна.  

БНХАУ-ын Шинжлэх ухааны академийн Геологи, геофизикийн хүрээлэнгийн эрдэмтэн Линь Яньцин, Линь Хунлей нараар ахлуулсанм эрдэмтдийн баг сарнаа явагчаас ирүүлсэн дата мэдээллийг судлан дээрх нээлтийг хийсэн байна. Тэдний хийсэн судалгааны үр дүн өнгөрсөн бямба гаригт “Science Advances“ сэтгүүлд хэвлэгдэн албан ёсоор баталгаажжээ.

Сүүлийн 10 гаруй жилд тойрог замаас хийсэн судалгаагаар саран дээр шингэн /гидроксил эсвэл H2O/ байгаа олон шинж тэмдэг илрүүлж байсан. Гагцхүү газар дээр нь очиж батлах дутуу байсныг “Chang’e-5” гүйцээжээ.