ОХУ Хамтын аюулгүй байдлын гэрээний байгууллагын гэрээний хүрээнд энхийг сахиулагчдаа Казахстанд буулгаж эхэлжээ. Энхийг сахиулагчдын эхний хэсэг болох агаар десантын анги Казахстанд буугаад байгаа аж.

Казахстаны Ерөнхийлөгч Касым Жомарт Токаев энхийг сахиулагчидаа илгээхийг хүссэний дагуу тус байгууллагын Хамтын аюулгүй байдлын зөвлөл хуралдаад энхийг сахиулагчдаа илгээх шийдвэр гаргаад байсан билээ. Зөвлөлийн дарга, Армены Ерөнхий сайд Никол Пашинян энэ талаар олон нийтийн сүлжээнд мэдэгдэл хийсэн байна. Тэрээр Хамтын аюулгүй байдлын гэрээний 4 дүгээр зүйлийг үндэслэн шийдвэр гаргасан гэдгээ мэдэгдпэлдээ дурджээ. Шийдвэр гаргахынхаа өмнө тэрээр Касым Жомарт Токаевтай утсаар ярьж үүссэн нөхцөл байдлын талаар дэлгэрэнгүй мэдээлэл авсан юм.