Польш, Беларусиас хил давж орж ирэхээр завдаж буй дүрвэгчдийг оруулахгүйн тулд Германы хэт барууны үзэлтнүүд зэвсэглэж байгаа тухай түгшүүрт мэдээг өнөөдөр ВВС агентлаг цацлаа. 50 орчим хүнтэй бүлэг хутга, цагдаагийн бороохой, газын баллоноор зэвсэглэн хил дээр очоод байгаа гэнэ. Тэд дүрвэгчдийг хил зөрчин орж ирвэл дээрх зэвсгээ хэрэглэн буцааж хөөх зорилготой юм байна. Эдгээр хүмүүс нь “Гуравдугаар зам” нэртэй хэт барууны үзэлтэй неонацист намын гишүүд дэмжигчид юм байна. Намын удирдлагууд нь гишүүддээ хандаж, гаднын цагаачдыг эх орондоо оруулахгүй байхыг уриалсан тул ийм арга хэрэглэж байгаа ажээ.