БНАСАУ өнөөдөр Японы эрэг рүү дахин пуужин харважээ. Пуужингийн хүчин чадлын талаарх тодорхой мэдээлэл одоогоор байхгүй гэж БНСУ, Японы хэвлэлүүдэд бичиж байна. Умардынхны энэ үйлдлийг БНСУ, Японы тагнуулын байгууллагын дарга нар Сөүл хотод уулзаж байгаатай холбоотой болов уу гэсэн таамаг байгаа юм.

Пеньян сүүлийн үед шинэ пуужингийн туршилтаа эрс эрчимжүүлж байгаа бөгөөд энэ шинэ зэвсгээ “дуунаас хурдан, алсын тусгалтай далавчит пуужин” хэмээн зарлаж байгаа юм. Тус улс олон улсын хатуу хориг арга хэмжээнд орсон ч пуужин хөгжүүлэх хөтөлбөрөө хэвээр үргэлжлүүлсээр байгаа билээ.