Австрийн Эбрайхсдорф хэмээх газар малтлага хийж байсан археологичид эрт дээр үед бүтээсэн алтан аяга олжээ. Аягыг 90 хувийн цэвэршилттэй /5 хувь мөнгө, 5 хувь зэс/ алтан хавтсаар хийсэн байсан бөгөөд дээр нь нарыг дүрсэлсэн байсан гэнэ. Аяган дотор мөн алтан эдлэл байсан бөгөөд эрдэмтэд алтан утас, алтан утсаар нэхэж хийсэн даавуу байсан болохыг тогтоогоод байгаа аж. Эдгээрийг нарыг тахиж хийдэг ёслолд ашигладаг байсан байх гэсэн таамгийг эрдэмтэд дэвшүүлжээ.

Археологич Михал Сипийн хэлснээр, энэхүү алтан аяга нь Австриас сүүлийн 10 жилд олдсон хамгийн чухал ач холбогдолтой түүхий эх сурвалж гэнэ. Эбрайхсдорф нь МЭӨ 1000-1300 жилийн өмнө суурин соёл иргэншилтэй байсныг энэ аяга мөн баталж байгаа аж. Аягыг Вена хотын музейд хадгалах бол олдсон газарт ирэх зургаан сарын турш үргэлжлүүлэн малтлага явуулах юм байна.