АНУ-ын Конгресс өчигдрийн хурлаараа улсын өрийн босгыг түр хугацаанд нэмэх шийдвэр гаргажээ. Тус улсын өрийн хэмжээ өмнө нь хуулиар тогтооосон дээд хэмжээнд хүрэхэд долоо хоног үлдээд байсан тул дампуурлаас зайлсхийхийн тулд ийнхүүү түр арга хэмжээ авсан байна.

АНУ өрийн таазаа өндөрсгөж байгаа нь шинэ зүйл биш юм. 1939 онд анх “Өрийн тааз” буюу дээд хэмжээ гэгчийг бий болгосноосоо хойш 100 гаруй удаа нэмж ирсэн. Гэхдээ энэ удаа “АНУ дэлхийн өрийн хэмжээг гамшгийн түвшинд аваачиж байгаа юм биш биз. Өрөө дарж ер нь чадах уу” гэсэн эргэлзээ үүсгэснээрээ онцлог байлаа.

АНУ дэлхийн хамгийн том, чадамжтай зах зээл гэдэг утгаараа өрийн бичиг нь хамгийн найдвартай хөрөнгө оруулалтад тоооцогддог. Гэвч цаашдаа АНУ өр тавиад л, бусад нь өгөөд л байх уу. Дэлхийн хэмжээний үр дагавар авчрах юм биш биз гэсэн асуудал бараг анх удаа сөхөгджээ. Конгрессийн гишүүд асуудлыг шийдэхдээ БНН, Ардчилсан намаараа талцан ширүүн маргаан өрнүүлсэн нь зах зээлд оролцогчдын бухимдлыг төрүүлсэн байна.