Беларусьчууд хөрш зэргэлдээ  Польш улс руу дүрвэж байна. Эдгээр дүрвэгсдийн ихэнх нь өнгөрсөн Ерөнхийлөгчийн сонгуульд А.Лукашенког эсэргүүцэн “чанга” дуугарсан хүмүүс байгаа бөгөөд Афганистанаас Беларусьт очсон, одоо Европын холбоо руу гарах гарц хаагдах вий гэж хаширласандаа хил давахаар яаравчилсан дүрвэгчид ч байна. Харамсалтай нь Польш, Беларусийн хилийн орчмоор байрлаж буй дүрвэгсдийн орчин нөхцөл тааруухан байгаа бөгөөд цаг агаар хүйтэрсэнтэй холбоотойгоор осгож нас барах тохиолдол гарах болжээ. ВВС агентлаг энэ талаар мэдээллээ.

Тус агентлагийн сурвалжлагчид дүрвэгсдийн байрлаж байгаа газар очиход хүйтэн цаг агаараас болоод дөрвөн хүн осгож нас барсан нөхцөл байдалтай байсан гэнэ.   

Беларусиас ирсэн дүрвэгчдийн нэг нь сурвалжлагчид “Беларусь улс бол миний төрөлх эх орон. Гэхдээ би явмааргүй байна” хэмээн ярилцлага өгчээ.

Европын холбооны гишүүн Польш, Латви, Литви улсууд хил дээр нь Беларусиас нэвтрэхийг завдсан олон мянган хүн цугларч байгаатай холбогдуулан тус бүр онц байдал зарласан байна.