АНУ-ын Сансрын уудмыг шинжлэн судлах төв /NASA/-ийн эрдэмтэд сансрын уудмыг чагнаархаад хэдэн жилийг үджээ. Сансрын уудам гэдэг бидний хувьд бол мөнхийн их анир чимээгүй юм. Учир нь хүний чих агаарын /ус, эсвэл ямар нэг материаллаг зүйлийн/ долгионыг л хүлээж авах зориулалттай юм. Агаар мандлаас гарвал бидний чих юуг ч сонсохгүй. Гэсэн ч эрдэмтэд аргыг нь олж, сансрын дуу чимээг сонсох боломжтой болжээ.  2018 оны наймдугаар сарын 13-нд сансрын Хаббл дуран авайгаар авсан зураг дээр үндэслэн гэрлийн давтамжийг дууны давтамжид хувиргаад 50 октаваар бууруулж хүний чихэнд сонсогдохуйц болгосноор энэ боломжийг бүрдүүлсэн байна. Сансрын биет болгон дуу чимээ гаргаж байдаг бөгөөд жижиг, бүдэг галактикууд богино чанга биш дуутай бол том од, галактикууд илүү урт, чанга, нарийн төвөгтэй дуу авиа гаргадаг байна.   

Эрдэмтэд сансраас эгшиглэх дуу чимээг хүлээж авч хувиргах “Universe of Learning” нэртэй программ зохион бүтээсэн ба энэ программаа ашиглан дуу чимээний судалгаагаа явуулж байгаа юм. Эрдэмтэд саяхан Вестерлунд 2 хэмээх залуу оддын бөөгнөрлөөс дуу чимээ хүлээж авсан байна. Хоёр саяас илүүгүй жилийн настай эдгээр одод дэлхийгээс 20 000 гэрлийн жилийн зайд, Gum 29 оддын аймагт байрладаг ажээ. Эрдэмтэд дээрх рограммын тусламжтайгаар хувиргасан чимээнийхээ заримыг нээлттэй эх сурвалж Youtube цахим хуудаст тавьсныг хүргэж байна.