"Intermed Hospital Mongolia"-г  Москвад төвтэй "SpaceBears" бүлгэм хакердаж, бүх өвчтөнүүдийн хувийн мэдээлэл, утасны дугаар, эмнэлгийн дата зэрэг чухал мэдээллүүдийг хулгайлсан талаар олон улсын хэвлэлүүд мэдээлж эхэлсэн талаар бид өмнө нь мэдээлсэн. 

Цахим аюулгүй байдлын менежмент, заналхийллийн эсрэг үйл ажиллагаа явуулдаг "HackManac"-ийн мэдээлснээр, аравдугаар сарын 30-ны өдөр тус эмнэлгийн цахим дата руу халдсан аж. Мөн арваннэгдүгээр сарын 15-ны өдөр 50 мянган ам.доллароор борлуулж магадгүй гэсэн бөгөөд нийт 230 гаруй өвчтөний мэдээлэл ил болоод байгаа юм.  Тэгвэл "Интермед" эмнэлгийн зүгээс үйлчлүүлэгчдэдээ хандан дараах мэдэгдлийг гаргаж, уучлалт хүсчээ. Мөн "Интермед" эмнэлгийн зүгээс Цагдаагийн ерөнхий газрын Цахим гэмт хэрэгтэй тэмцэх газар болон ЦХИХХ-ны яамны Цахим гэмт хэрэгтэй тэмцэх төвтэй хамтран яаралтай арга хэмжээ авч байгаа аж.