Тулгар төрийн 2230 жил, Их Монгол Улс байгуулагдсаны 815 жил, Үндэсний эрх чөлөө, тусгаар тогтнолоо сэргээн мандуулсны 110 жил, Ардын хувьсгалын 100 жил, орчин цагийн худалдааны салбар үүсэж хөгжсөний 100 жилийн ойг тохиолдуулан Монгол Улсын Ерөнхийлөгч У.Хүрэлсүх зарлиг гарган нэр бүхий хүмүүст төрийн дээд шагнал, одон, медаль гардууллаа.

МОНГОЛ УЛСЫН ХӨДӨЛМӨРИЙН БААТАР ЦОЛЫГ:

Хөдөө аж ахуйн салбарын бодлого, төлөвлөлтийг боловсруулахад 60 гаруй жил хичээл зүтгэл, идэвх санаачилгатай ажиллаж, газар тариаланг бие даасан салбар болж хөгжихөөс эхлэн “Атрын III аян”-ыг манлайлан хэрэгжүүлж, залуу боловсон хүчнийг бэлтгэн дадлагажуулахад оруулсан хөдөлмөр зүтгэлийг үнэлэн Ерөнхий сайд асан, төр, нийгмийн нэрт зүтгэлтэн, Монголын гурил үйлдвэрлэгчдийн холбооны тэргүүн Шаравын Гунгаадорж;

Хүнсний аж үйлдвэрлэл, сүүний салбарын хөгжил, эрдэм шинжилгээний ажилд оюун ухаан, эрдэм мэдлэгээ зориулж салбарын хөгжил, ирээдүйн чиг хандлагыг тодорхойлох, бодлого боловсруулахад үнэтэй хувь нэмэр оруулсан Монгол Улсын зөвлөх инженер, Техникийн шинжлэх ухааны доктор, профессор Лувсансүрэнгийн Дамдинсүрэн;

Мал аж ахуйг хөгжүүлэхийн зэрэгцээ, уламжлалт ахуй, соёлоо хадгалан хамгаалах, үр хойч үедээ өвлүүлэн үлдээх хүндтэй үйлсэд амьдралынхаа 46 жилийг зориулсан Архангай аймгийн Ихтамир сумын малчин, Хөдөө аж ахуйн ухааны академийн жинхэнэ гишүүн, академич Цэдэндоогийн Доржсүрэн;

Усалгаатай газар тариаланг хөгжүүлэх, шинэ техник, технологи нэвтрүүлэх, ургацын хэмжээг тогтмол өндөр түвшинд хадгалах зэргээр газар тариалангийн салбарт оруулж байгаа бодитой хувь нэмрийг нь үнэлж Сэлэнгэ аймгийн Ерөө сумын “Арвин хур” ХХК-ийн ерөнхий захирал Чойгонжавын Чадраабал нарт хүртээж, “Алтан соёмбо” тэмдэг, Сүхбаатарын одонгоор шагналаа.

ХУДАЛДААНЫ ГАВЬЯАТ АЖИЛТАН ЦОЛООР:

Говь-Алтай аймгийн худалдааны салбарын ахмад ажилтан Пэрэнлэйн Баасанжав;

Баян-Өлгий аймгийн худалдааны ахмад ажилтан Нурахметын Гүлбарша;

Төр, нийгмийн зүтгэлтэн, Монголбанкны ерөнхийлөгч асан Лханаасүрэнгийн Пүрэвдорж;

“Хан бүргэдэй” ХХК-ийн ерөнхий захирал Жамбалын Сандагдорж;

“Гурван гал групп”-ийн Худалдаа, үйлчилгээ эрхэлсэн захирал Базаргарьдын Сожилмаа;

“Анун” ХХК-ийн ерөнхий захирал Жамбалжамцын Уранбилэг;

Худалдааны салбарын ахмад ажилтан Түмэнжаргалын Чулуун;

Монголын үндэсний худалдаа аж үйлдвэрийн танхимын зөвлөх Цэрэндоржийн Янсанжав;

АЖ ҮЙЛДВЭРИЙН ГАВЬЯАТ АЖИЛТАН ЦОЛООР:

“Улаанбаатар хивс” ХХК-ийн зөвлөх инженер Чанцалын Цэрэндулам;

ГАВЬЯАТ МАЛЧИН ЦОЛООР:

Сүхбаатар аймгийн Халзан сумын малчин Лхамжаагийн Цэвэгсүрэн;

ГАВЬЯАТ АГРОНОМИЧ ЦОЛООР:

Хөдөө аж ахуйн их сургуулийн ерөнхий захирлын зөвлөх Надмидын Нямжав;

Хүнс, хөдөө аж ахуй, хөнгөн үйлдвэрийн яамны Газар тариалангийн бодлогын хэрэгжилтийг зохицуулах газрын ахлах шинжээч Бадрайн Одонхүү;

“Монгол ногоо” төслийн зохицуулагч Төмөрбатын Төрмандах;

ГАВЬЯАТ МЕХАНИКЖУУЛАГЧ ЦОЛООР:

Сэлэнгэ аймгийн Цагааннуур сумын ахмад механикжуулагч Пунцаг-Осорын Наранцогт;

ХӨДӨӨ АЖ АХУЙН ГАВЬЯАТ АЖИЛТАН ЦОЛООР:

Хүнс, хөдөө аж ахуй, хөнгөн үйлдвэрийн яамны Бодлого, төлөвлөлтийн газрын дарга Цэндгомбын Болорчулуун;

Сүхбаатар аймгийн Улаанбаатар хот дахь Асгат сумын нутгийн зөвлөлийн дэд дарга, мал зүйч Балжирын Ядамсүрэн;

МАЛЫН ГАВЬЯАТ ЭМЧ ЦОЛООР:

Баянхонгор аймгийн Хүнс, хөдөө ахуйн газрын дарга Жигжиддоржийн Баттөр;

Говьсүмбэр аймгийн Сүмбэр сумын “Хөдөлмөрийн оч” ХХК-ийн малын их эмч Дашравдангийн Ундрага;

ҮЙЛЧИЛГЭЭНИЙ ГАВЬЯАТ АЖИЛТАН ЦОЛООР:

“Сэрж интернэшнл” ХХК-ийн ерөнхий захирал Ядмаагийн Баярцэцэг;

“Баян хар заг” ХХК-ийн ерөнхий захирал Авирмэдийн Буянхишиг;

“Сулин хайрхан” ХХК-ийн захирал Дашцэрэнгийн Ганболд;

Орхон аймгийн “Гал оч” ХХК-ийн захирал Янгивын Норовцэрэн;

ГАВЬЯАТ БАГШ ЦОЛООР:

Биологи, биотехнологийн мэдээлэл сургалтын төвийн тэргүүн Цагаанбандийн Цэндээхүү;

Шинжлэх ухаан, технологийн их сургуулийн Үйлдвэр технологийн сургуулийн профессор Доржийн Цэцэгээ;

“Батбэх” ХХК-ийн нягтлан бодогч Дорлигжавын Чойсүрэн;

ГАВЬЯАТ ЭДИЙН ЗАСАГЧ ЦОЛООР:

Говь-Алтай аймгийн “Гэгээн нуур цэвэр ус” Орон нутгийн өмчит, аж ахуйн тооцоот үйлдвэрийн газрын захирал Жовжидын Гаваа;

Говь-Алтай аймгийн Мал эмнэлэгийн газрын нягтлан бодогч Зүмпэрэлийн Цэрэнпил;

СҮХБААТАРЫН ОДОНГООР:

Булган аймгийн гурил, тэжээлийн үйлдвэрийн ахмад ажилтан Лхагвын Лувсандагва;

“Номин холдинг” ХХК-ийн ерөнхий менежер Амарбаярын Шагдарсүрэн;

Үйлдвэр, худалдааны сайд асан, төр, нийгмийн зүтгэлтэн Бадрахын Шаравсамбуу;

“Стратус” ХХК-ийн зөвлөх Лхагвын Янжин;

ХӨДӨЛМӨРИЙН ГАВЬЯАНЫ УЛААН ТУГИЙН ОДОНГООР:

Улсын мал эмнэлэг, ариун цэврийн төв лабораторийн малын их эмч Цэвэгмэдийн Бадамсүрэн;

Худалдааны салбарын ахмад ажилтан Цэрэнгийн Гэндэнжамц;

АЛТАН ГАДАС ОДОНГООР:

Худалдаа, үйлдвэрлэлийн их сургуулийн үйлчлэгч Бат-Очирын Болормаа;

“Атар-Өргөө” ХХК-ийн албаны дарга Бямбажавын Галя;

Олон улсын “Нарантуул” худалдааны төвд хувиараа бизнес эрхлэгч Лхагвын Долгорсүрэн;

“Улаанбаатар” их дэлгүүрийн санхүүгийн зөвлөх Гэндэнгийн Наташ;

“Хүнс маш сэрэлт” ХХК-ийн токарьчин Гомбын Цэдэвпүрэв;

ХӨДӨЛМӨРИЙН ХҮНДЭТ МЕДАЛИАР:

“Атар өргөө” ХХК-ийн жолооч, борлуулагч Цэвэгжавын Пүрэвдорж;

“Монбейкери” ХХК-ийн үйлдвэрийн албаны дарга Монхорын Сайханбаяр;

“Улаанбаатар гурил” ХХК-ийн сэрээт өргөгчийн оператор Доржхүүгийн Сүхчулуун;

“Сүү” ХК-ийн ахлах аппаратчин Ширнэнгийн Энхтуяа нарыг шагналаа.

Монгол Улсын Ерөнхийлөгч У.Хүрэлсүх төрийн дээд шагнал, одон, медаль хүртсэн хүмүүст болон гэр бүл, үр хүүхэд, хамт олонд нь баяр хүргэж, сайн сайхныг хүсэв.