Олимпын наадмын алт, мөнгөн медальт, МУХБ, Гавьяат тамирчин Н.Түвшинбаярт холбогдох хэргийг шүүхэд шилжүүлэх эсэхийг шийдвэрлэх урьдчилсан хэлэлцүүлгийн шүүх хуралдаан Хан-Уул дүүргийн Эрүүгийн хэргийн анхан шатны шүүхэд болж, хэргийг Прокурорт нэмэлт мөрдөн байцаалт хийлгэхээр буцааж шийдвэрлэлээ. Хохирогч, яллагдагч талын аль, аль нь нэмэлт мөрдөн байцаалтад буцаах хүсэлт гаргасан тул шүүхээс хүсэлтийг ханган шийдвэрлэсэн гэсэн мэдээллийг хоёр талын өмгөөлөгчид өгч байна. Гэхдээ яг ямар үндэслэлээр хүсэлт гаргасан бэ гэддгийг нарийвчлан мэдээлсэнгүй.  

 Н.Түвшинбаярын тухайд, батлан даалтад гаргаад байсан шийдвэрийг өөрчилж, хоёр хоногийн өмнөөс ШШГЕГ-ын урьдчилан хорих 461 дүгээр ангид хориод байгаа юм.