Баянзүрх дүүргийн 26 дугаар хороо Аж ахуйн нэгжүүдээ дэмжих аян зохион байгуулж байна. Аяны хүрээнд тус хорооны Засаг дарга О.Түвшин хувиараа бизнес эрхлэгчид болон өрхийн үйлдвэрлэлүүд дээр очиж үйл ажиллагаатай нь танилцлаа.

Баянзүрх дүүргийн 26 дугаар хороонд цөөнгүй бизнес эрхлэгч үйл ажиллагаа явуулж буй. Түүний нэг нь “Elephant Mom&Baby” юм. Тус брэнд нь нярайн хувцас, хэрэглэл үйлдвэрлэдэг бөгөөд эх, хүүхдэд харшил өгөхгүй, дэлхийн стандартад нийцсэн материалаар сэтгэл шингээн урладаг байна. 

Үүсгэн байгуулагдаад хоёр жил болж байгаа “Elephant Mom&Baby” хэдийнэ хэрэглэгчдэд танигджээ. Тус брэнд нь хүүхдийн өлгий, комбинезон, куртка үйлдвэрлэхээс гадна жирэмсэн болон хөхүүл ээжүүдэд зориулсан дэр хийдэг гэдгээрээ онцлог.