Төрийн албаны хууль тогтоомжийн хэрэгжилтийг хангах чиглэлээр авч хэрэгжүүлсэн авч хэрэгжүүлсэн ажлын үр дүнгийн талаар Төрийн албаны зөвлөлөөс мэдээллээ. 
Төрийн албаны зөвлөлөөс 87 ажлын хэсэг байгуулж, 282 байгууллагын 2543 төрийн алба хаагчтай холбоотой хяналт шалгалт хийжээ. Улмаар 180 байгууллагын 545 алба хаагчтай холбоотой зөрчил илэрсэн байна. Уг зөрчлийн дийлэнх хувийг хууль бус томилгоо эзэлж байгаа аж. Улмаар төрийн албан туушаалд хууль зөрчиж томилогдсон 519 хууль бус шийдвэрийг тогтоогоод, зөрчлийг арилгуулах хугацаатай үүрэг өгсөн байна. 
Төрийн албаны зөвлөлөөс энэ онд, Авилгатай тэмцэх газраас 115 байгууллагын 285 албан тушаалтантай холбоотой мэдээллийг ирүүлсэн аж. Үүнээс 100 албан тушаалтан төрийн албаны зөвлөлийн хууль зөрчиж хууль бусаар томилогдсон байжээ. Мөн таван аймгийн 102 байгууллагад хяналт тавьсан талаар Төрийн албаны зөвлөлийн маргаан хянан шалгах газрын дарга Ч.Бат-Эрдэнэ мэдээллээ.