Төрийн ордонд өнөөдөр Нийгмийн бодлогын Байнгын хороо хуралдаж, ирэх оны улсын төсвийн талаар хэлэлцлээ.

Энэ үеэр УИХ-ын гишүүн, Нийгмийн бодлогын Байнгын хорооны дарга М.Оюунчимэг Ковид19 халдвараар өвчлөөгүй иргэдэд нэг удаагийн урамшуулал олгох эсвэл сувилалд үнэ төлбөргүй эмчлүүлэх шаардлагатай талаар санал илэрхийллээ.

Тэрбээр "Ковид19 тусаагүй, дархлаагаа сайн дэмжээд өөрийнхөө төлөө эрүүл, хариуцлагатай байгаа 2,700,000 орчим иргэндээ талархлаа илэрхийлж, тэр хүмүүст нэг удаагийн дэмжлэг үзүүлэх юм уу, сувилалд хамруулах хэрэгтэй. Нийгэмдээ хариуцлагаа ухамсарлаад, цар тахлаас өөрийгөө болоод эргэн тойрноо хамгаалаад явж байгаа хүмүүсийг дэмжих тал дээр анхаарч, 2022 оны төсөвт тусгах хэрэгтэй" гэлээ.