“ЭДҮЛАЙН” компани нь Монголын ирээдүйг хөгжүүлэх боловсон хүчнийг дэмжигч байгууллага бөгөөд 19 жилийн туршлагатай хамгийн том боловсрол зуучлалын компани билээ. Тус компани нь 10 сарын 13, 14, 15-нд Солонгосын шилдэг их дээд сургуулиудтай хамтран боловсролын экспо зохион байгуулах гэж байна.

Энэхүү үйл ажиллагаа нь Эдүлайн компанийн зохион байгуулж буй 19 дэх боловсролын экспо юм. Тус компани нь үүсгэн байгуулагдсанаасаа хойш оюутан залуусын боловсролын түвшин, хөгжил дэвшилд бодит хувь нэмэр оруулах зорилгоор томоохон боловсролын экспог ковидын жилүүдийг алгасан жилдээ 2 удаа тогтмол зохион байгуулсаар ирсэн бөгөөд хамгийн том тэтгэлгийн сантай экспог зохион байгуулдгаараа онцлог юм.

Экспод хүрэлцэн ирснээр оюутан залуус БНСУ-ын багш, төлөөлөгч нартай биечлэн уулзаж хэлний бэлтгэлээр суралцах, мэргэжил сонголтоо хийх, хэлний бэлтгэлээсээ үндсэн анги буюу бакалавр магистрын ангидаа элсэн суралцах, хэрхэн тэтгэлэг авах, Монгол дахь Солонгос хэлний бэлтгэл мөн сургуулиудын давуу тал болоод хэрхэн амжилттай суралцах зэрэг сонирхсон бүх асуултынхаа хариултыг авч чадах юм.