-Халдварт өвчний мэргэжилтэн Поздняков: эсрэг бие нь коронавирусын шинэ омгоос хамгаалахгүй-

Халдвартын эмч, Анагаахын шинжлэх ухааны доктор Андрей Поздняков шинэ төрлийн “Пирола” коронавирусын гол ялгарах шинж чанарыг нэрлэжээ.

Доктор Поздняков "COVID-19-ийн шинэ хувилбар нь өмнөх үеийнхээс ялгаатай нь S уургийн олон тооны мутацитай. Ийм мутаци 30 гаруй нь байдаг. Тэдгээр тус бүр нь  эсийн дотор вирусыг аль болох хурдан нэвтрүүлэх үүрэгтэй" гэж Поздняков тайлбарлав. Үүний улмаас бие махбодид үүссэн эсрэг бие нь "Пирола"-гаас хамгаалахгүй, учир нь тэдэнд "ажиллах" цаг хугацаа хүрэлцэхгүй гэдгийг доктор онцолжээ. 

Поздняков мөн коронавирусын шинэ омог нь өвөрмөц шинж тэмдэггүй болохыг сануулав.  Энэ нь ердийн амьсгалын замын цочмог вируст халдвар эсвэл өөр төрлийн шинэ коронавирусын халдвар шиг харагддаг, үнэрлэх чадвараа алдах нь ховор байдаг.

Зарим мэдээлэлд шинэ төрлийн коронавирус нь нус гоожих, ханиалгах, хордлого зэрэг шинж тэмдгүүдээр тодорхойлогддог гэсэн нь эдгээр нь амьсгалын замын вирусын халдварын шинж тэмдэг гэдгийг бид мэднэ" гэж эмч хэлэв.

"Роспотребнадзор"-ын шинэ омгийн талаар санаа зовниж байгаа нь үндэслэлтэй гэж халдвар судлаач доктор мэдэгдэв.  Учир нь олон тооны мутацийн улмаас "Пирола" нь халдварлах чадвар маш өндөр байдаг. 

Сануулахад, манай хойд хөрш ОХУ-д коронавирусын өвчлөл эрс нэмэгдсэн гэж шуурхай штабаас өмнө нь мэдээлж байсан. Тухайлбал, өсөлт нь 48 хувь хүрсэн. Есдүгээр сарын 11-нээс есдүгээр сарын 17-ны хооронд тус улсад 1973 хүн хэвтэн эмчлүүлжээ.  Үүнтэй холбогдуулан нийслэлд Ковидын нөөцийн эмнэлгийг дахин ажиллуулж, Төр засгийн ордон дотор амны хаалт заавал зүүхийг сануулж байгаа юм. 

Эх сурвалж: Лента.ру